Plantun de Prouvènço

Pèr coumpara dos planto d'encò nostre

Rumex conglomeratus & Cyperus esculentus

Rumex conglomeratus

Polygonaceae

Nom en français : Oseille agglomérée.

Descripcioun :
Aquesto paciènci, un pau grando, trachis dins lis armas bagna e en ribo d'aigo. Li fueio amé un pecou e un pau longo, soun pas acide. Se recounèis subretout à si valvo de fru entiero, pu longo que larjo emé tres couissin desveloupa.

Usanço :
Li jóuini fueio podon se manja crudo, pièi, pu grosso, li fau faire bouli en chanjant l'aigo. Emé de la soun mens astringènto. En Grèço se n'en servon coume de fueio de vigno.

Port : Erbo
Taio : 30 à 90 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Rumex
Famiho : Polygonaceae

Ordre : Caryophyllales

Coulour de la flour : Verdo
Petalo : 3
Ø (o loungour) flour : Pancaro entresigna
Flourido : Printèms - Estiéu

Sòu : Si (Ca)
Autour basso e auto : 0 à 1200 m
Aparado : Noun
Jun à setèmbre

Liò : Ribiero - Prado umido
Estànci : Termoumediterran à Coulinen
Couroulougi : Éurasiatico
Ref. sc. : Rumex conglomeratus Murray, 1770

Triangle(-manjadis)

Cyperus esculentus

Cyperaceae

Nom en français : Souchet comestible.

Descripcioun :
Lou triangle-manjadis trachis dins li limas de ribiero o li culturo. Pèr l'ouro n'i'a pas gaire au nostre, soulamen un pau au couchant. Se recounèis à sis enflourejado jauno daurado e subretout à si cabosso o tubercule. Douno un pau d'èr à Cyperus rotundus que fai de cabosso negro. La varieta presentado eici, Leptostachyus, èi naturalisado (óurigino Americo de l'uba).

Usanço :
Coume lou dis soun noum es uno planto manjadisso. En Espagno s'adoubo emé lou tubercule l'horchata de chufa, valènt-à-dire l'ourjado de triangle. Se fai tambèn un òli de qualita, richo en vitamino E e bon pèr la pèu.